Xəbər verdiyimiz kimi, Sumqayıt şəhəri, Corat qəsəbəsində ən yaxın xilasetmə məntəqəsindən 900 metr aralı, dənizdə nəzarətsiz ərazidə 2 nəfər batıb. Onlardan birinin meyiti sudan çıxarılaraq aidiyyəti üzrə təhvil verilib.
Sumqayit24.az-a daxil olan məlumata görə, meyiti tapılan şəxsin 2006-cı il təvəllüdlü İsmayılova Məryəm Kamil qızı olduğu müəyyən edilib.
2004-cü il təvəllüdlü Yarıyev Murad Azad oğlu xilas edilib.
***
Sumqayıtda 2 nəfər dənizdə batıb.
Sumqayit24.az xəbər verir ki, Fövqəladə Hallar Nazirliyinin "112" qaynar telefon xəttinə Sumqayıt şəhəri, Corat qəsəbəsində ən yaxın xilasetmə məntəqəsindən 900 metr aralı, dənizdə nəzarətsiz ərazidə 2 nəfərin batması barədə məlumat daxil olub.
Məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları çağırış üzrə cəlb olunub.
Dalğıc-xilasedicilər tərəfindən həyata keçirilən operativ xilasetmə əməliyyatı nəticəsində 2004-cü il təvəllüdlü Yarıyev Murad Azad oğlu xilas edilib, 1 nəfərin isə meyiti (qadın cinsli) suda tapılıb çıxarılaraq aidiyyəti üzrə təhvil verilib.
