Sumqayıt şəhəri, Çerkassı küçəsi, 76-cı məhəllədə yaşayan sakinlər yaxınlıqda yerləşən toyuq fermasından yayılan kəskin qoxudan narahat olurlar.
Onların sözlərinə görə, üfunət onların normal həyat şəraitini pozur:
"Çox böyük sexdir, həddindən artıq pis qoxu gəlir. Elə bilirsən, hansısa murdar olmuş heyvan yandırılır".
Sakinlərin şikayəti "Murad Aqro" müəssisəsi ilə bağlıdır. Onlar bildirirlər ki, yayılan kəskin qoxu ərazidə rahat yaşamağa imkan vermir.
İddialara münasibət bildirən müəssisənin rəhbəri Maqsud Əlizadə isə məsələyə fərqli mövqedən yanaşıb:
"Bizim müəssisə sənaye zonasında yerləşir. Ətrafda olanlar isə fərdi yaşayış evləridir. Həmin evlərin əksəriyyətinin sənədləri yoxdur, yəni bir qismi qanunsuz tikilidir. Bu səbəbdən mən onların tələbi ilə müəssisəni "nə vaxtsa bağla, nə vaxtsa aç" prinsipi ilə idarə edə bilmərəm".
Ətraflı Baku TV-nin süjetində:
