Sumqayıtda “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə olunmasının təşkili” mövzusunda təlim keçirilib.
Sumqayit24.az xəbər verir ki, təlim Sumqayıt Təcili Tibbi Yardım Xəstəxanasında baş tutub.
Tədbirə Sumqayıt Şəhər İcra Hakimiyyətinin, Fövqəladə Hallar Nazirliyinin Sumqayıt Regional Mərkəzinin, Sumqayıt Şəhər Polis İdarəsinin, Sumqayıt Tibb Mərkəzinin və onun tabeliyində olan Təcili Tibbi Yardım Xəstəxanasının əməkdaşları cəlb olunub.
Mülki müdafiənin məqsədi fövqəladə hadisələrin qarşısının alınması məqsədi ilə profilaktik tədbirlərin həyata keçirilməsi, fövqəladə hadisələr zamanı mümkün olan ziyan və itkilərin həcminin maksimum azaldılması və fövqəladə hadisələrin və onların nəticələrinin aradan qaldırılmasından ibarətdir.
