Sumqayıtda sahibsiz heyvanların kütləvi şəkildə tələf olması ilə bağlı iddialar narahatlıq yaradır.
Sumqayit24.az-a müraciət edən sakin bildirib ki, hadisələr Nəsimi adına Mədəniyyət və İstirahət parkının ərazisində baş verir. İddiaya görə, naməlum şəxslər park ərazisinə zəhərli yemlər atır, nəticədə həmin yemləri yeyən sahibsiz pişik və itlər, eləcə də quşlar, xüsusilə qarğalar tələf olur.
Həmçinin iddiaya əsasən, bəzi şəxslər heyvanlara kəsici alətlərlə hücum etməyə də cəhd göstərir, onları yaralayırlar.
Sakinlər aidiyyəti qurumlardan məsələnin araşdırılmasını, park ərazisində nəzarətin gücləndirilməsini və heyvanlara qarşı misli görülməmiş zorakılığın qarşısının alınmasını tələb edirlər.
