Sumqayıtda kanalizasiya sistemində baş verən nasazlıq sahibkarların narazılığına səbəb olub.
Sumqayit24.az-a daxil olan məlumata görə, hadisə ötən gün 19-cu məhəllə ərazisində qeydə alınıb. İddiaya əsasən, kanalizasiya sistemində yaranan problem nəticəsində bir neçə obyekti çirkanb suları basıb.
"Binadan təxminən 70-80 metr aralıda Azərbaycan Dövlət Su Ehtiyatları Agentliyinin (ADSEA) əməkdaşları kanalizasiya xəttində iş aparırdılar. Həmin iş zamanı baş verən səhlənkarlıq nəticəsində kanalizasiya suları bizim obyektləri basdı. Sahibkarlar ciddi zərər çəkiblər", - deyə müraciətdə bildirilib.
Vətəndaşların sözlərinə görə, baş verən hadisə ilə bağlı aidiyyəti qurumun əməkdaşları ilə əlaqə saxlanılıb və onlara məlumat verilib.
Məsələ ilə bağlı müvafiq quruma sorğu ünvanlanıb.
