Sumqayıtda imtahanlar təşkil olunacaq. Sumqayıt24 bu haqda 27 mart tarixində Dövlət İmtahan Mərkəzinə (DİM) istinadən xəbər verir.
Aprelin 2-də aşağıdakı imtahanlar keçiriləcək:
- Əvvəlki illərin məzunları üçün qəbul imtahanının I mərhələsi, V ixtisas qrupu üzrə ali təhsil müəssisələrinə və 11 illik təhsil bazasında kolleclərə qəbul imtahanı;
- Müsabiqədə buraxılış imtahanında verdiyi xarici dildən fərqli dil üzrə iştirak etmək istəyən cari ilin məzunları üçün əlavə xarici dil imtahanı;
- Qəbul imtahanını buraxılış imtahanında verdiyi dildən fərqli dil üzrə vermək istəyən cari ilin məzunları üçün əlavə tədris dili imtahanı;
- Mart ayında keçirilmiş buraxılış imtahanlarında müxtəlif səbəblərdən iştirak edə bilməmiş və barəsində Mərkəzə müraciət edilmiş cari ilin XI sinif şagirdləri üçün buraxılış imtahanı;
- Eksternat qaydasında XI sinif üzrə yekun attestasiyada iştirak etmək istəyən şəxslər üçün buraxılış imtahanı;
- Buraxılış imtahanlarında müxtəlif səbəblərdən iştirak edə bilməmiş və barəsində Mərkəzə müraciət edilmiş əvvəlki illərin XI sinif məzunları üçün buraxılış imtahanı.
Qeyd edək ki, 1-3-cü kateqoriyaya aid şəxslər
https://www.e-gov.az/az/services/read/2516/0?tqdk_xdm=9 linki vasitəsilə, 4-6-cı kateqoriyaya aid olan şəxslər isə bu keçiddən
https://www.e-gov.az/az/services/read/2516/0?tqdk_xdm=56 yararlanaraq buraxılış vərəqəsini çap edə bilərlər.
