Sumqayıt şəhərində kommunal qəza baş verib.
Sumqayit24.az xəbər verir ki, İsmət Qayıbov küçəsinin 16-cı mikrorayondan keçən hissəsində kanalizasiya borusunun partlaması ciddi antisanitar vəziyyət yaradıb. Küçə boyunca axan çirkab su ətrafa dözülməz üfunət yayır, sakinlərin həmin ərazidən keçməsi demək olar mümkünsüz hala gəlib.
Ən narahatedici məqamlardan biri isə avtomobillərin həmin yoldan keçərkən çirkab suları ətrafa, o cümlədən piyadaların üzərinə sıçratmasıdır. Sakinlər bildirirlər ki, küçədə yaranmış ağır qoxu və natəmizlik insanların hərəkətinə mane olur.
