Sumqayıtda məktəbin yaxınlığında yol bərbad vəziyyətdədir.
Sumqayit24.az-a müraciət edən vətəndaş bildirib ki, problem ərazidə yeraltı xətlərin çəkilməsindən sonra yaranıb. Onun iddiasına görə, 17-ci mikrorayonda, Sumqayıt Texniki və Təbiət Elmləri Təmayüllü Liseyin yaxınlığında qazıntı işləri aparıldıqdan sonra yol əvvəlki vəziyyətinə qaytarılmayıb.
Bu isə həm sürücülərin, həm də piyadaların hərəkətini çətinləşdirir. Həmçinin ərazidə yaranan vəziyyətin nəqliyyat sıxlığına da səbəb olduğu bildirilir.
