Sumqayıt Apellyasiya Məhkəməsində konfrans keçirilib. Bu haqda 18 sentyabr tarixində Sumqayıt24 xəbər verir.
Toplantıda məhkəmənin ərazi yurisdiksiyasına aid olan birinci instansiya məhkəmələrinin sədrləri və hakimləri iştirak ediblər.
Çıxış edən Sumqayıt Apellyasiya Məhkəməsinin sədri Tofiq Paşayev Məhkəmə-Hüquq Şurasının qaldırdığı, o cümlədən şəffaflığın təmin edilməsi, işlərə məhkəmədə baxılması zamanı süründürməçilik hallarına yol verilməməsi, qanunvericiliyin bütün tələblərinə ciddi riayət olunması ilə bağlı məsələlərə toxunub.
Sədr məhkəmə sistemində korrupsiyaya şərait yaradan hallara qarşı xüsusi qətiyyət göstəriləcəyini, vətəndaşlarda haqlı narazılıq doğuran neqativ hallar üzrə təsir tədbirlərinin davamlı olaraq həyata keçiriləcəyini diqqətə çatdırıb.
Daha sonra apellyasiya baxışının nəticələrinə əsasən, ləğv edilmiş konkrekt işlər üzrə nöqsanlar, xarakterik pozuntular birinci instansiya məhkəmələri hakimlərinin diqqətinə çatdırılıb, mövcud məhkəmə təcrübəsinin vahidliyinin təmin edilməsinin zəruriliyi vurğulanıb, qarşılıqlı maraq doğuran məsələlər müzakirə olunub.
