Sumqayıtda sərnişin avtobusunun qəzaya uğraması nəticəsində xəsarət alanların vəziyyəti açıqlanıb.
Bununla bağlı Sumqayit24.az Tibbi Ərazi Bölmələrini İdarəetmə Birliyinə (TƏBİB) sorğu ünvanlayıb.
Sorğuya cavab olaraq bildirilib ki, 19.05.2025-ci il tarixində saat 09:30 radələrində Sumqayıt Tibb Mərkəzinin nəzdində olan Təcili Tibbi Yardım Xəstəxanasına 4 nəfər (qadın cinsli) hospitalizasiya olunub.
“Müxtəlif bədən xəsarətləri alan şəxslərə Təcili tibbi yardım şöbəsində zəruri tibbi yardımlar göstərilib. Vəziyyətləri qənaətbəxş olan şəxslər ambulator müalicə üçün evə buraxılıblar”, - deyə məlumatda qeyd edilib.
Saat 09:09
Sumqayıtda 4 nəfərin xəsarət alması ilə nəticələnən yol qəzası baş verib.
Report.az-ın məlumatına görə, hadisə Bakı küçəsində qeydə alınıb.
37 yaşlı Cavid Murtuzovun idarə etdiyi sərnişin avtobusu 26 yaşlı Mirhadi Mirişovun idarə etdiyi “Toyota” markalı minik avtomobili ilə toqquşub.
Qəza nəticəsində avtobusun sərnişinləri - Sumqayıt şəhər sakinləri, 18 yaşlı Şəbnəm Şahbuzova, 58 yaşlı İlahə Şahbalayeva, 31 yaşlı Lamiə Şəmiyeva və 18 yaşlı Nuray Məmmədova müxtəlif dərəcəli bədən xəsarətləri alıblar.
Yaralılar təcili tibbi yardım briqadalarının köməyi ilə xəstəxanaya çatdırılıblar.
