Sumqayıtda saxta şampun istehsal edən sex aşkarlanıb. Sumqayıt24 bu haqda 21 mart tarixində Oxu.az-a istinadən xəbər verir.
Azad İstehlakçılar Birliyinin sədri Eyyub Hüseynov bildirib ki, həmin şampun Türkiyənin məşhur brendlərindən birinin imitasiyasıdır:
“Şampunun üzərində heç bir istehsal tarixi və istehsala yararlılıq müddəti qeyd edilməyib. Bizə məlum olub ki, bu şampunlar Sumqayıt şəhərində istehsal edilir. Yaxın zamanlarda aidiyyəti dövlət qurumları ilə birlikdə araşdırma və tədqiqat işləri aparacağıq. Təəssüf ki, tərkibində kimyəvi maddələr olan bu cür malların istehsal müddəti olmadığı üçün dəri ilə təmasda olarkən insan orqanizminə ciddi təhlükə yarada bilər. İstehlakçılar bu cür məhsulları alarkən onun üzərində yazılan istifadə müddətinə diqqət etsinlər. İstehsal tarixi kağız üzərində yazılıb yapışdırılıbsa, o məhsullardan uzaq olmaq lazımdır”.
