Sumqayıtda küçələrin birində yaranan vəziyyət gediş-gəlişdə ciddi problemlər yaradıb.
Sumqayit24.az-a daxil olan məlumata görə, "Sumqayıtçay" yaşayış massivində yerləşən, şəhid Kənan Allahverdiyevin adını daşıyan küçənin mövcud vəziyyəti olduqca acınacaqlıdır.
Vətəndaşların iddiasına əsasən, intensiv yağışlar yağan zaman "Mero" kimi tanınan ərazini su basıb və həmin su boru vasitəsilə sözügedən küçəyə yönləndirilib. Nəticədə yolun vəziyyəti pisləşib və hərəkətdə ciddi problem yaranıb.
Vətəndaşlar aidiyyəti qurumlardan problemin həll edilməsini tələb edirlər.
