H.Z. Tağıyev qəsəbəsində yenidən silah-sursat tapılıb. Bu barədə 19 sentyabr tarixində Baş Prokurorluğa istinadən xəbər veririk.
Tapıntı ilə bağlı Fövqəladə Hallar Nazirliyinin “112” qaynar telefon xəttinə məlumat daxil olub. Əraziyə minalardan təmizləmə üzrə çevik qrupu cəlb edilib. Baxış zamanı aşkar edilmiş sursatın 88 ədəd 56 mm-lik raket mərmisi, 1 ədəd 70 mm-lik raket mərmisi, 6 ədəd 122 mm-lik OF-56 top mərmisi, 1 ədəd 152 mm-lik OF-29 top mərmisi, 1 ədəd 125 mm-lik OF-26 tank mərmisi, 5 ədəd BM-15 tank mərmisi və 1 ədəd 82 mm-lik minaatan mərmisi olduğu müəyyən edilib.
Sursatlar mütəxəssislər tərəfindən ərazidən kənarlaşdırılıb. Ətrafda başqa hər hansı təhlükəli və ya şübhəli əşya aşkar edilməyib.
Faktla bağlı araşdırma aparılır. [modula id="23422"]
