Sumqayıtda qəsəbələrdən birində elektrik enerjisinin verilməsi ilə bağlı şikayət var.
Sumqayit24.az-a müraciət edən sakinlərin sözlərinə görə, Kimyaçılar qəsəbəsinin Cənub küçəsində işıqlar tez-tez sönüb-yanır.
Redaksiyamıza təqdim olunan videoda da elektrik gərginliyindəki dəyişiklik aydın görünür. Kadrlarda işıqların közərərək sönməsi, həmçinin sərinkeşin qeyri-sabit işləməsi əks olunub.
Vətəndaşların ən çox narahat olduğu məsələ isə işıqların tez-tez sönməsi zamanı məişət texnikalarının da sıradan çıxa bilmə ehtimalıdır.
Onlar aidiyyəti qurumdan məsələnin nəzarətə götürülməsini və problemin aradan qaldırılmasını tələb edirlər.
Məsələ ilə bağlı aidiyyəti quruma sorğu ünvanlanıb.
