Sumqayıt şəhərinin Nizami küçəsində ağac aşaraq yolun hərəkət hissəsini bağlayıb.
Sumqayit.tv-yə daxil olan məlumata görə, hadisə nəticəsində nəqliyyat vasitələrinin hərəkətində ciddi çətinlik yaranıb. Aşmış ağac yolun böyük hissəsini tutduğu üçün sürücülər məcbur olaraq yaranmış vəziyyətə özləri müdaxilə ediblər.
Belə ki, aidiyyəti qurumların hadisə yerinə gəlməsini gözləməyən vətəndaşlar ağacı yolun kənarına çəkməklə hərəkəti qismən bərpa ediblər. Sakinlər bildirirlər ki, bu cür hallarda operativ tədbir görülməli olduğu halda, çox vaxt problemlərin həlli yenə vətəndaşların üzərinə düşür.
