Sumqayıtda qaydaları pozan sürücü qəza törədib. Sumqayıt24 bu barədə 6 sentyabr tarixində xəbər verir.
Hadisə gecə saatlarında Niyazi və İsmət Qayıbov küçələrinin kəsişməsində baş verib. Şahidlər bildirirlər ki, “Opel” işıqforun qırmızı işığında keçərək “Audi” markalı avtomobilə çarpılıb. Əraziyə polis əməkdaşları və təcili tibbi yardım briqadası cəlb olunublar.
Məlumata görə, “Opel”in sürücüsü hadisə zamanı sərxoş olub.
