Sumqayıt şəhərində küçələrin birində su borusunda yaranan nasazlıq ərazidə müxtəlif problemlərə səbəb olub.
Bu barədə Sumqayit24.az-a sakinlər məlumat veriblər.
Vətəndaşların sözlərinə görə, Səməd Vurğun küçəsi ilə İnşaatçılar küçəsinin kəsişməsində su borusunda nasazlıq yaranıb və nəticədə ərazi su altında qalıb.
"İki gündür zirzəminin içi su ilə dolub. Evin çökmə təhlükəsi var. Əraziyə aidiyyəti qurumun əməkdaşları baxış keçirsələr də, problem tam həll edilməyib. Su hələ də axır",- deyə sakin narahatlığını ifadə edib.
Vətəndaşlar müvafiq qurumlardan problemin köklü şəkildə həll edilməsini tələb edirlər.
