Gənclər evində startapın biznes modelinin hazırlanması mövzusunda vörkşop keçirilib. Sumqayıt24 bu haqda Sumqayıt Dövlər Universitetinin (SDU) saytına istinadən xəbər verir.
Təlim İnnovasiya və Rəqəmsal İnkişaf Agentliyinin dəstəyi ilə SUP.VC şirkəti tərəfindən təşkil olunub. Tədbirdə SUP.VC şirkətinin direktoru Rəşad Eyvazov, İnnovasiya üzrə ekspert Vüsal Kərimli, SDU-nun Elmi hissəsinin müdiri, dosent Samir Orucov, TEC-in elmi rəhbəri, dosent Lalə Bünyatova, bütün fakültə TEC rəhbərləri və üzvləri olan tələbələr, Gənc Alimlər Şurasının üzvləri fəal iştirak ediblər.
Vörkşopda iştirakçılar startapın necə işlədiyi, öz müştərisi üçün hansı dəyəri yaratdığı, həmçinin o dəyəri satmağın qarşılığında necə qazanc əldə etməsi ilə bağlı mövzular üzərində işləyiblər.
Müxtəlif komandalara bölünən tələbələr öz ideyalarını irəli sürüb və yeni həllər, imkan və fürsətlər barədə fikir mübadiləsi aparıblar. Təlimçi və mentorların, eləcə də rəhbərlərin dəstəyi ilə onlar təklif etdikləri layihələrin sosial-iqtisadi yönlərini nəzərdən keçiriblər.
