Son zamanlar Sumqayıtda, xüsusilə də şəhərin parklarında gənclərin velosiped və skeytbordla təhlükəli manevrlər etməsi sakinlərin narazılığına səbəb olur. Onlar pilləkənlərdən tullanır, sürətli dönüşlər edir və bu zaman ətrafda istirahət edən insanlar — uşaqlar, yaşlılar və qadınlar üçün təhlükəli anlar yaranır.
Ancaq məsələ yalnız bu deyil.
Sumqayit24.az-a müraciət edən bir neçə gənc bildirir ki, onların bu fəaliyyətlə məşğul olmaq üçün uyğun yerləri yoxdur:
“Bakıda veloparklar, skeytbord meydançaları var. Bizdə isə nəinki belə məkanlar yoxdur, üstəlik parkda məşq etdikdə bizi tənqid edirlər. Biz də insanlara mane olmaq istəmirik, sadəcə öz hobbilərimizə yer tapmırıq.”
Doğrudan da, Bakı ilə müqayisədə Sumqayıtda gənclərin bu tip urban idmanları ilə məşğul ola biləcəyi ictimai məkanlar yoxdur.
Sumqayıt kimi gənc əhalisi çox olan şəhərdə bu cür yerlərin olmaması həm gəncləri, həm də əhalini narahat edən nəticələrə gətirib çıxarır - biri təhlükəli trüklərdən narazıdır, digəri isə öz şəhərində yer tapmamaqdan.
Nə etmək olar?
Parkların bir hissəsində xüsusi velosiped və ya skeyt zonaları yaradılarsa, bu həm gənclərin inkişafı üçün stimul olar, həm də ictimai təhlükəsizlik məsələsini həll edər. Əks halda, bu narazılıqlar artacaq.
Sumqayıt Şəhər İcra Hakimiyyəti və Gənclər və İdman Nazirliyinin əhalinin və gənclərin fikirlərini nəzərə alaraq, tezliklə bu istiqamətdə tədbir görəcəyinə ümidvarıq.
Посмотреть эту публикацию в Instagram
