Sumqayıtda və Saray qəsəbəsində avtobuslar müsabiqəyə çıxarılır.
Sumqayit24.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.
Qeyd olunub ki, sərnişindaşıma xidmətinin keyfiyyətinin artırılması ilə bağlı tədbirlər çərçivəsində 522A (Sülh prospekti - Saray qəsəbəsi, Heydər Əliyev küçəsi), 522B (Sülh prospekti - Saray qəsəbəsi, 28 May küçəsi) nömrəli şəhərətrafı və Sumqayıt-Quba şəhərlərarası avtobus marşrutları müsabiqəyə çıxarılır.
Qeyd edək ki, müsabiqəyə əsas avtobuslarla yanaşı, ehtiyat nəqliyyat vasitələri də təqdim olunmalıdır.
İddiaçıların təkliflərinə komissiya tərəfindən Sumqayıt-Quba istiqamətlərində sentyabrın 25-də, Sumqayıt şəhərinin 522A nömrəli (Sülh prospekti - Saray qəsəbəsi, Heydər Əliyev küçəsi) və 522B nömrəli (Sülh prospekti - Saray qəsəbəsi, 28 May küçəsi) şəhərətrafı marşrutları üzrə 5 lotda oktyabrın 9-da baxılacaq.
