Sumqayıt şəhərinin 10-cu mikrorayonunda yaşayış binalarından xalçalar oğurlanıb.
Sumqayit24.az-a bu barədə sakinlər məlumat veriblər.
Şikayətçilərin sözlərinə görə, 55 nömrəli binadan 2, 60 nömrəli binadan 1, 70 nömrəli binadan isə 2 xalça oğurlanıb.
Redaksiyaya təqdim olunan təhlükəsizlik kamerasının görüntülərində də bir şəxsin xalçanı apardığı əks olunub.
Sakinlər bildiriblər ki, eyni ərazidə müxtəlif vaxtlarda bir neçə xalçanın oğurlanması narahatlıq yaradıb. Onların sözlərinə əsasən, digər sakinlərin də xalçalarının oğurlanması istisna edilmir.
Sumqayit24.az-ın əldə etdiyi məlumata görə, baş verən oğurluq hadisələri ilə bağlı polis bölməsinə vətəndaşların müraciəti daxil olub. Əməli törədən şəxs və ya şəxslərin müəyyən edilərək məsuliyyətə cəlb olunmaları istiqamətində tədbirlər görülür.
