Fövqəladə Hallar Nazirliyi (FHN) tərəfindən maarfiləndirici tədbirlər keçirilib.
Sumqayit24.az xəbər verir ki, sözügedən tədbirlər qurumun Dövlət Yanğın Nəzarəti, Kiçikhəcmli Gəmilərə Nəzarət və Sularda Xilasetmə Dövlət xidmətlərinin mütəxəssislərinin də iştirakı ilə Sumqayıt Regional Mərkəzi tərəfindən Qobu qəsəbə 16 nömrəli körpələr evi uşaq-bağçasında və "H.Z.Tağıyev" xilasetmə məntəqəsinin ərazisində təşkil olunub.
Tədbirlərdə fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğın və zəlzələ ilə bağlı zəruri davranış qaydaları barədə ətraflı məlumat verilib, FHN-in "112" qaynar telefon xəttinin təyinatı izah olunub və ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
Sonda iştirakçıların sualları ətraflı cavablandırılıb.
