Sumqayıtda tikilən xeyir-şər evlərinin istifadəsinə icazə verilmir.
Bu barədə Tiraj.аz-a yerli sakinlər məlumat veriblər. Onların iddiasına görə, bir müddətdir ki, bir çox məhəllədə xeyir-şər evlərinin qaz, işıq, su sayğaclarına möhür vurulub və onlara burada hər hansı mərasimin keçirilməsinin qadağan olunduğu bildirilib.
"İndi ancaq domino, nərd oynayırıq. Artıq bir müddətdir ki, xeyir-şər evlərindən təyinatı üzrə istifadə edə bilmirik" - deyə sakinlər əlavə ediblər.
Vətəndaşların iddiasına əsasən, qadağa şəhər rəhbərliyi tərəfindən qoyulub.
Sumqayit24.az məsələ ilə bağlı Sumqayıt Şəhər İcra Hakimiyyətinə sorğu ünvanlayıb.
