Sumqayıtda dəm qazından zəhərlənən yeniyetmənin vəziyyəti məlum olub.
Bu barədə Sumqayit24.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, 18.02.2025-ci il tarixində saat 17:40 radələrində Sumqayıt Tibb Mərkəzinin Uşaq Xəstəxanasına 2012-ci il təvəllüdlü (kişi cinsli) şəxs hospitalizasiya olunub.
“Dəm qazının toksiki təsiri diaqnozu qoyulan şəxsə xəstəxananın Təcili Tibbi Yardım şöbəsində zəruri tibbi yardımlar göstərilib. Vəziyyəti qənaətbəxş hesab olunan şəxs ambulator müalicə üçün evə buraxılıb”, - deyə məlumatda qeyd edilib.
Saat: 10:59
Sumqayıtda 13 yaşlı yeniyetmə dəm qazından zəhərlənib.
Sumqayit24.az xəbər verir ki, hadisə şəhərin 20-ci məhəlləsində qeydə alınıb.
13 yaşlı Murad Quluzadə dəm qazından zəhərlənərək xəstəxanaya yerləşdirilib.
Faktla bağlı araşdırma aparılır.
