Böyük Qayıdış proqramı çərçivəsində yenidən qurulan Cəbrayıl şəhərinə sakinlərin qayıdışı davam edir.
Report.az-ın məlumatına görə, Biləsuvar rayonunda salınmış qəsəbələrdən 46 sakin olmaqla daha 9 ailə Cəbrayıla köçürülüb.
Bununla yanaşı, Bakı şəhərindən 13 ailə, Sumqayıtdan 1 ailə, Abşeron rayonundan 4 ailə, Saatlıdan 1 ailə, Beyləqandan 1 ailə, Gəncə şəhərindən 1 ailə olmaqla ümumillikdə 30 ailə, 150 sakin növbəti köç karvanında yola salınıb.
Bu günədək Cəbrayıl şəhərinə ölkənin müxtəlif bölgələrində məskunlaşmış 163 ailə, 583 rayon sakini köçürülərək daimi məskunlaşmaları təmin edilib.
