Sumqayıtda Çerkassı küçəsində, Sumqayıt Dəmiryol Vağzalının yaxınlığında ərazi məişət tullantılarından təmizlənib.
Sumqayit24.az-a daxil olan məlumata görə, qeyd olunan ünvanda antisanitar vəziyyət polisin müşayəti ilə aidiyyəti dövlət qurumları tərəfindən aradan qaldırılıb. Bundan əlavə, əraziyə yeni zibil qutuları da yerləşdirilib.
Xatırladaq ki, bu gün yəni 17 iyun tarixində məişət tullantılarının bir həftədən çox daşınmaması və zibil qutularının yararsız olması ilə bağlı şikayət işıqlandırılıb.
***
Sumqayıtda küçələrdən birində yaranan antisanitar vəziyyət narazılıq yaradıb.
Sumqayit24.az-a daxil olan məlumata görə, Çerkassı küçəsində, Sumqayıt Dəmiryol Vağzalının yaxınlığında ərazi məişət tullantıları ilə dolub.
Şikayətçilərin sözlərinə əsasən, zibillər bir həftədən çoxdur ki, daşınmır. Nəticədə ərazidə həm antisanitar vəziyyət yaranıb, həm də piyadaların hərəkəti çətinləşib.
Sakinlər bildirirlər ki, zibil konteynerləri də yararsız vəziyyətə düşüb və istifadəyə uyğun deyil.
Vətəndaşlar aidiyyəti qurumlardan problemin qısa zamanda aradan qaldırılmasını xahiş edirlər.
