Deputat, Milli Məclisin komitə sədri Hicran Hüseynova bir qrup fəal qadını qəbul edib. Bu barədə 8 oktyabr tarixində Sumqayıt24 xəbər verir.
YAP Sumqayıt şəhər təşkilatının inzibati binasında baş tutan görüşdə QAC şəhər bölməsinin sədri Mətanət Məhərrəmova, "Sosial İqtisadi İnkişaf Uğrunda” İB-nin sədri Sevda Məmmədova və Sumqayıt Dövlət Rəsm Qalereyasının böyük elmi işçisi Şahnaz Sadıxlı iştirak ediblər.
Qonaqlarla qarşılıqlı əməkdaşlığın aparılması, tərəfdaşlıq əlaqələrinin perspektivləri barədə fikir mübadiləsi aparılıb. Sonra isə “Qarabağa qayıdış üçün təşəbbüs qruplarının hazırlanması” adlı layihə barədə məlumat verilib, şəhid və qazi ailələrinin əl işlərindən ibarət "Şuşa inciləri” adlı sərgi haqqında danışılıb.
