Sumqayıt sakinləri Goranboy rayonunda qəzaya düşüblər.
Teleqraf.az-ın məlumatına görə, hadisə Dəliməmmədli şəhərində baş verib. Rayondan Bakı şəhərinə hərəkət edən "Mercedes" markalı avtomobilin maneəyə çırpılması nəticəsində 46 yaşlı Şöhrət Əliyev və onun bacısı 52 yaşlı Maya Əliyeva müxtəlif dərəcəli bədən xəsarətləri alıblar.
Yaralılar Gəncə şəhərində yerləşən xəstəxanalardan birinə yerləşdiriliblər. Ş.Əliyevin vəziyyəti daha ağır qiymətləndirilir.
Faktla bağlı araşdırma aparılır.
