Sumqayıtlı gənc Nihad Ağazadə ABŞ-ın "Replit" şirkətinin Azərbaycanda keçiriləcək tədbirinin layihə rəhbəri olub.
Bu barədə Nihad Ağazadə Sumqayit24.az-a məlumat verib.
18 yaşlı gənc bildirib ki, yeni vəzifəsi çərçivəsində Azərbaycanda "Replit" tədbirlərinin təşkili, İT sahəsində fəaliyyət göstərən gənclərin dəstəklənməsi, eləcə də Azərbaycanla "Replit" arasında əməkdaşlığın inkişaf etdirilməsi istiqamətində fəaliyyət göstərəcək.
Qeyd edək ki, "Replit" proqramlaşdırma və proqram təminatının hazırlanması üçün onlayn platforma təqdim edən ABŞ şirkətidir. Şirkətin əsas məqsədi kod yazma və proqram hazırlama prosesini daha əlçatan və asan etməkdir.
Nihad Ağazadə, həmçinin Azərbaycanda ilk rəsmi "Replit Cafe Hackathon" tədbirinin keçiriləcəyini açıqlayıb.
Tədbir "Replit"in birbaşa rəsmi dəstəyi ilə avqustun 22-də, saat 10:00-dan 14:00-dək Bakıda yerləşən "Coffee Moffie"də təşkil olunacaq.
Hackathonun əsas məqsədi yerli İT icmasını dəstəkləmək və tərtibatçılar üçün "Coffee & Code" formatını Azərbaycanda tətbiq etməkdir.
Qeyd edək ki, bu məlumat "Replit"in icma rəhbəri Francisco Cruz Mendoza tərəfindən də təsdiqlənib.
