Sumqayıt məktəblisi "Info1Cup" proqramlaşdırma müsabiqəsində yüksək yer tutub.
Sumqayit24.az xəbər verir ki, sözügedən yarış Rumıniyada keçirilib. 16 ölkədən 189 şagirdin proqramlaşdırma üzrə biliklərini sınadığı beynəlxalq müsabiqəyə Azərbaycan məktəbliləri onlayn formatda qoşulublar. Şagirdlər müsabiqədə yüksək nəticə göstərərək 1 qızıl, 3 gümüş və 2 bürünc olmaqla ümumilikdə 6 medal əldə ediblər.
Mükafatçıların arasında Sumqayıt şəhər Təbiət Elmləri Təmayüllü Gimnaziyanın 10-cu sinif şagirdi Mərd Cəfərzadə bürünc medala layiq görülüb.
