Sumqayıtda küçələrdən birində piyada səkisinin olmaması sakinlərin ciddi narazılığına səbəb olub.
Sumqayit24.az-a daxil olan məlumata görə, Üzeyir Hacıbəyov küçəsi ilə Koroğlu prospektinin kəsişməsində, Sumqayıt Dəmiryol Vağzalına gedən yolda piyada səkisi mövcud deyil.
Sakinlərin sözlərinə görə, insanlar uzun illərdir ki, məcburən avtomobil yolunun kənarı ilə hərəkət edirlər. Bu isə həm piyadalar, həm də sürücülər üçün ciddi təhlükə yaradır.
"İllərdir burada piyada səkisi yoxdur. Nəticədə gündəlik olaraq təhlükəli vəziyyətlər yaranır",- deyə sürücülərdən biri narahatlığını bildirib.
Vətəndaşlar aidiyyəti qurumlardan əraziyə baxış keçirilməsini və problemin tezliklə aradan qaldırılmasını tələb edirlər.
