Sumqayıtda Heydər Əliyev prospektində, 2-ci və 3-cü mikrorayonlar arasında yerləşən xiyabana zibil qutuları yerləşdirilib.
Sumqayit24.az-a bu barədə Sumqayıt şəhər İcra Hakimiyyətindən bildirilib.
"Qeyd olunan ərazidə zibil qutuları yararsız vəziyyətdə olduğu üçün sökülüb, yenisi ilə əvəzlənir. Artıq həmin əraziyə 8 yeni zibil qutusu yerləşdirilib", - deyə məlumatda qeyd olunub.
Xatırladaq ki, redaksiyamız 15 iyul tarixində 2-ci və 3-cü mikrorayonlar arasında yerləşən xiyabanda zibil qutularının olmaması ilə bağlı şikayət işıqlandırıb.
Belə ki, şikayətçinin çəkdiyi videoda xiyaban boyunca əlində zibil ilə gəzdiyi, lakin tullantını atmaq üçün zibil qutusu tapa bilmədiyi görünürdü.
