Bakı-Sumqayıt qatarı adam vurub. Sumqayıt24 bu haqda 20 dekabr tarixində Azərbaycan Dəmir Yollarına (ADY) istinadən xəbər verir.
Hadisə bu gün saat 08:59-də baş verib. Sürət qatarı Keşlə mənzilində hərəkətdə olarkən 32 yaşlı Elsevən Kərimov qəfildən relslərə çıxıb. Maşinist təcili tormozlama aparsa da, məsafə az olduğundan hadisə qaçılmaz olub. Həmin şəxs yerindəcə keçinib.
"ADY bir daha piyadalara dəmir yolu xətlərindən keçərkən yalnız müəyyən olunmuş yerlər və keçidlərdən istifadə etməyi ciddi tövsiyə edir. Dəmiryol xətlərində ani səhlənkarlıq həyatınızın yarıda qalmasına səbəb olur", – deyə açıqlamada qeyd olunub.
