Yaponiya şirkətlərinin nümayəndələri Sumqayıt Kimya Sənaye Parkını ziyarət ediblər. Bu barədə 5 sentyabr tarixində scip.az-a istinadən xəbər veririk.
Ziyarətdə “İTOCHİ Oil Exploration Co” Ltd-nin prezidenti Takumi Hiraqanın rəhbərlik etdiyi Yaponiya şirkətlərindən ibarət nümayəndə heyəti iştirak edib.
Görüşdə qonaq şirkətlərin sənaye zonalarına investisiya yatırması, sənaye zonalarında istehsal olunan məhsulların ixrac imkanları və digər əməkdaşlıq məsələləri müzakirə edilib, şirkət nümayəndələrinin sualları cavablandırılıb. Sonra qonaqlar sözügedən Parkda görülmüş işlərlə, Sənaye Parkının rezidenti “STP” MMC-nin Kabel və Elektrik Avadanlıqları zavodlarında istehsal prosesi ilə tanış olublar.
