Sumqayıt icra başçısı Zakir Fərəcov səyyar qəbul-görüş keçirib. Sumqayıt24 bu barədə 8 oktyabr tarixində DünyaTV-yə istinadən xəbər verir.
Görüş 1-ci mikrorayon ərazisindəki 5 nömrəli məktəbin binasında baş tutub. Qəbul zamanı vətəndaşların təklif, müraciət və şikayətləri dinlənilib. Burada İH-nin məsul şəxsləri, aidiyyəti idarə, müəssisə, təşkilat və xidmət sahələrinin rəhbərləri iştirak ediblər. Qəbulda qaldırılan müraciətlərin bir qismi yerindəcə həll edilib. Araşdırılmasına ehtiyac olan məsələlərin həlli ilə bağlı aidiyyəti təşkilatların rəhbərlərinə müvafiq tapşırıqlar verilib.
İcra başçısı qəbuldan sonra sözügedən məktəbdə şagirdlərlə görüşüb. O, məktəblilərin təhsil şəraiti ilə tanış olub.
