Sumqayıt Şəhər İcra Hakimiyyətinin başçısı Zakir Fərəcovun rəhbərlik etdiyi nümayəndə heyəti Almaniya Federativ Respublikasının Lüdviqshafen şəhərinə səfər edib.
Sumqayit24.az xəbər verir ki, səfər çərçivəsində Sumqayıt Şəhər İcra Hakimiyyətinin başçısı Zakir Fərəcov Lüdviqshafen şəhərinin meri professor Klaus Blattner ilə görüş keçirib.
Görüşdə Sumqayıt və Lüdviqshafen arasında uzun illərdir davam edən dostluq və əməkdaşlıq münasibətlərinin hazırkı vəziyyəti, həyata keçirilən birgə layihələr və gələcək əməkdaşlıq perspektivləri ətrafında geniş fikir mübadiləsi aparılıb.
Görüş zamanı gələn il Sumqayıt və Lüdviqshafen şəhərləri arasında qardaşlaşma münasibətlərinin 50 illik yubileyinin qeyd olunacağı vurğulanıb.
Görüşdə Lüdviqshafen şəhərinin sabiq meri Eva Lohse də iştirak edib.
Səfər proqramı çərçivəsində Sumqayıt nümayəndə heyətinin şərəfinə Lüdviqshafen şəhərinin ənənəvi Şəhər Günü tədbirləri çərçivəsində konsert proqramı təşkil olunub.
Səfərin əsas məqsədi Sumqayıt və Lüdviqshafen arasında mövcud tərəfdaşlıq münasibətlərinin daha da genişləndirilməsi, yeni əməkdaşlıq istiqamətlərinin müəyyənləşdirilməsi və iki qardaş şəhər arasında əlaqələrin gələcək inkişafına töhfə vermək olub.
