Sumqayıtda yolun bərbad vəziyyətdə olması sakinlər arasında ciddi narazılıq yaradıb.
Sumqayit24.az-a daxil olan məlumata görə, 20-ci məhəllə, M.Qorki küçəsindəki yol mart ayından sökülüb və hələ də bərpa edilməyib.
"Yağışlı günlərdə yol tamamilə keçilməz olur. Həm piyadalar, həm də sürücülər hərəkətdə ciddi çətinlik çəkirlər. Bundan əlavə, bu vəziyyət ərazinin ümumi görüntüsünü də korlayır", – deyə sakinlərdən biri bildirib.
Şikayətçilər aidiyyəti qurumlardan yolun asfaltlanmasını tələb edirlər.
