Novruz bayramı Azərbaycan xalqının maddi və mənəvi dəyərlərinin bir hissəsini özündə ehtiva edən bayramdır.
“Koroğlu” dastanını ilk dəfə kitabça halında 1842-ci ildə Londonda ingilis dilində çap etdirən dünya şöhrətli şərqşünas Aleksandr Xodzko kitabda “Novruz”-un Zərdüşt tərəfindən icad edildiyini yazmışdır.
Adətə görə, Novruz bayramında insanlar papaq atırlar, səməni cücərdirlər, fala baxırlar, tonqalın üstündən tullanırlar, yumurta döyüşdürürlər. Bayram süfrəsində plov, şəkərbura, paxlava, qoğal, badambura, bəzədilmiş yumurtalar, şamlar, qoz, fındıq olur. Həmçinin süfrədə sumax, sirkə, süd, səməni, səbzi olmalıdır, adları “s” hərfi ilə başlayan yeddi növ xörək hazırlanmalıdır.
“Əgər “Novruz”un ilk günü gündoğan vaxt hələ heç bir söz demədən üç qaşıq bal yesən və üç parça mum yandırsan, bütün xəstəliklərdən xilas olarsan” - alim Əl-Biruni.
