Sumqayıt şəhərində stadionlardan birinin baxımsız vəziyyətdə olması narahatlıq doğurur.
Sumqayit24.az-a problemlə bağlı yerli sakinlər məlumat veriblər.
Onların sözlərinə görə, 2-ci mikrorayonda yerləşən 3 və 25 nömrəli məktəblərin ortaq stadionu yararsız və nəzarətsiz vəziyyətdədir.
Redaksiyamıza təqdim edilən görüntülərə əsasən ərazinin toz-torpaq və qurumuş otlardan ibarət olduğunu demək olar.
Sakinlər bildiriblər ki, stadion illərdir baxımsız vəziyyətdədir. Onların sözlərinə görə, ərazidə lazımi şərait yaradılarsa, uşaqlar asudə vaxtlarını burada səmərəli keçirə bilərlər. Həmçinin böyük ərazinin bu vəziyyətdə olması ümumi görünüşünə də mənfi təsir göstərir.
Vətəndaşlar aidiyyəti qurumlardan əraziyə baxış keçirilməsini və xüsusilə məktəb şagirdlərinin asudə vaxtlarını səmərəli keçirmələri üçün stadion ərazisində lazımi şəraitin yaradılmasını tələb edirlər.
