Sumqayıtda 34 nömrəli məktəbin yaxınlığında antisanitar vəziyyət yaranıb.
Sumqayit24.az-a bu barədə 13-cü mikrorayon, 60 saylı binanın sakinləri məlumat veriblər.
Vətəndaşların iddiasına görə, məişət tullantıları gec-gec daşındığından zibil qutusu dolub. Qeyd olunub ki, nəticədə sakinlər məişət tullantılarını zibil qutusunun ətrafına atıblar.
Sakinlərdən biri qeyd edib ki, zibil qutusu bu gecə boşaldılıb, lakin ətrafa səpələnmiş tullantılar hələ də təmizlənməyib.
"3-4 gün zibil maşını gəlmirdi. Bu gecə gəlib qutunu boşaldıblar. Amma yerdəki zibillər hələ də qalır. Bu cür vəziyyət ərazidə yaşayan sakinlərin sağlamlığına ciddi şəkildə təsir edir", - deyə bildirilib.
