Yeniyetmələr və gənclər arasında keçirilən Avropa çempionatında sumqayıtlı şahmatçı uğurla çıxış edib. Bu barədə bu gün, 22 oktyabr tarixində AZƏRTAC məlumat yayıb.
Gənc şahmatçı Uğur İlyaslı 18 yaşlı oğlanların yarışında 7,5 xal toplayaraq Avropa çempionatının qalibi olub.
Uğur İlyaslı Sumqayıt şəhər 2 nömrəli tam orta məktəbin məzunudur.
Həmçinin, digər azərbaycanlı Ayan Allahverdiyeva 16 yaşlı qızların arasında keçən yarışda qitə çempionatının qalibi olub. Qitə çempionatında Azərbaycanı 44 şahmatçı təmsil edib.
