“Sumqayıt” ölkə çempionatlarında “Turan Tovuz”a qarşı 17 matç keçirib.
Sumqayit24.az xəbər verir ki, oyunların 6-da “Sumqayıt”, 5-də rəqib komanda qalib gəlib. Qalan 6 oyunda bərabərlik qeydə alınıb. “Böyük şəhərin tək komandası” qol nisbətində də irəlidədir. Belə ki, “Sumqayıt” futbolçuları ümumillikdə 20 qol vurub, qapılarında isə 14 top görüblər.
“Kimyaçılar” ən böyük hesablı qələbələrini bu ilin aprel ayında qazanıblar - “Turan Tovuz” 1:4 “Sumqayıt” (Premyer Liqanın 31-ci turu).
Onu da qeyd edək ki, bu komandalar arasında qarşdıruma 2011-ci ildə başlayıb. Tovuz təmsilçisi ilk matçı bir qolla qazanmışdı.
