Bacısı qızını qəsdən öldürməkdə təqsirləndirilən Şakir Rzayevlə bağlı kassasiya şikayətinə baxıb.
Ali Məhkəmənin hakimi Hafiz Nəsibovun sədrliyi ilə keçirilən məhkəmə iclasında kassasiya şikayəti üzrə qərar elan olunub.
Qərara əsasən, Sumqayıt Ağır Cinayətlər Məhkəməsinin çıxardığı hökm, eləcə də onu qüvvədə saxlayan Sumqayıt Apellyasiya Məhkəməsinin qərarı ləğv edilib. Cinayət işi yenidən apellyasiya instansiyası məhkəməsində baxılması üçün geri göndərilib.
Xatırladaq ki, hadisə 2025-ci il yanvarın 30-da Masazır qəsəbəsində baş verib. İstintaqla müəyyən edilib ki, 58 yaşlı Şakir Rzayev bacısı qızı, 38 yaşlı Türkan Abdurəhimovaya bıçaqla xəsarətlər yetirərək onu qəsdən öldürüb.
Faktla bağlı Abşeron Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb və Şakir Rzayevə həmin maddə ilə yekun ittiham elan edilib.
Bundan əvvəl Sumqayıt Ağır Cinayətlər Məhkəməsinin hökmü ilə Şakir Rzayev 10 il 6 ay müddətinə azadlıqdan məhrum edilmişdi. Daha sonra Sumqayıt Apellyasiya Məhkəməsi hökmü qüvvədə saxlamışdı.
Lakin Ali Məhkəmənin son qərarı ilə hər iki məhkəmə qərarı ləğv olunub və işə apellyasiya instansiyasında yenidən baxılacaq.
Mənbə: Pravda.аz
