Jurnalist Cəmil Məmmədlinin məhkəməsi yekunlaşmaq üzrədir. Sumqayıt24 bu haqda 29 fevral tarixində Qafqazinfo.az-a istinadən xəbər verir.
O, hədə-qorxu ilə tələb etmə, dələduzluq və xuliqanlıq ittihamı ilə mühakimə edilir. Sumqayıt Ağır Cinayətlər Məhkəməsində keçirilən bugünkü iclasda prokuror çıxış edib.
Dövlət ittihamçısı C. Məmmədliyə qarşı irəli sürülmüş ittihamların sübuta yetirildiyini bildirib. Onun 8 il 3 ay müddətinə azadlıqdan məhrum edilməsi tələb edilib.
Müdafiə tərəfinə çıxışa hazırlaşmaq üçün vaxt verilib.
Qeyd edək ki, jurnalist ibtidai istintaq dövründə azadlıqda olub. O, zərərçəkmişlərin vəsatəti əsasında məhkəmədə həbs edilib.
