Sumqayıtda xuliqanlıq edən Qorxmaz Salayevin kassasiya şikayəti üzrə məhkəmə olacaq. Sumqayıt24 bu haqda 7 fevral tarixində Pravda.az-a istinadən xəbər verir.
Ali Məhkəmədə keçiriləcək proses fevralın 8-nə təyin edilib. Şikayət hakim İlkin Rəcəbovun sədrliyi ilə araşdırılacaq.
Sumqayıt Şəhər Məhkəməsinin hökmü ilə ona bəraət verilib. Hökmdən narazı qalan dövlət ittihamçısı apellyasiya protesti verib. Sumqayıt Apellyasiya Məhkəməsinin qərarına əsasən, Sumqayıt Şəhər Məhkəməsinin hökmü ləğv olunub. Təqsirləndirilən şəxs Cinayət Məcəlləsinin 221.3-cü (Xuliqanlıq) maddəsi ilə nəzərdə tutulan cinayəti törətməkdə təqsirli bilinib. O, 2 il müddətinə azadlıqdan məhrumetmə cəzasına məhkum olunub. Qorxmaz Salayev məhkəmə iclası zalında həbs edilib.
Ali Məhkəmənin isə qərarı ilə hökm və ya qərar tamamilə ləğv edilib, iş yenidən baxılması üçün apellyasiya instansiyası məhkəməsinə göndərilib. Sumqayıt Apellyasiya Məhkəməsi isə onun şikayətini təmin etməyib.
İttiham aktında qeyd edilib ki, Qorxmaz Salayev qohumu Fariz Məhəmmədovla 4 sentyabr 2020-ci ildə 76-cı məhəllə ərazisində yerləşən avtotəmir sexinin qarşısında Ülvi Mustafayev və Ceyhun Xəlilzadə ilə mübahisə edib. Bu zaman o, hər iki şəxsin ayağını bıçaqlayıb. Daha sonra polis Salayevi tutub.
