Məhkum jurnalist Cəmil Məmmədlinin apellyasiya şikayətinə Sumqayıtda baxılacaq. Sumqayıt24 bu haqda 28 may tarixində Pravda.az-a istinadən xəbər verir.
Sumqayıt Apellyasiya Məhkəməsində keçiriləcək ilkin hazırlıq iclası mayın 29-na təyin edilib. Şikayət hakim Ruhiyyə Əsgərovanın sədrliyi ilə araşdırılacaq.
Qeyd edək ki, Məmmədli ötən ilin yanvarında cinayət məsuliyyətinə cəlb olunub. Ona qarşı Cinayət Məcəlləsinin 178.2.4 (dələduzluq - xeyli miqdarda ziyan vurmaqla törədildikdə), 182.2.1 (hədə-qorxu ilə tələb etmə - qabaqcadan əlbir olan bir qrup şəxs tərəfindən törədildikdə) 182.2.2 (təkrar hədə-qorxu ilə tələb etmə) və 221.2.2-ci (xuliqanlıq) maddələri ilə ittiham irəli sürülüb.
Sumqayıt Ağır Cinayətlər Məhkəməsinin hökmü ilə jurnalist 6 il 2 ay müddətinə azadlıqdan məhrum edilib.
