Sumqayıtda dava olub. Sumqayıt24 bu haqda 28 fevral tarixində Lent.az-a istinadən xəbər verir.
Hadisə dəmir yolu vağzalının yanında baş verib. E. H. idarə etdiyi “VAZ” markalı avtomobillə “Aİ 97” adlı yanacaqdoldurma məntəqəsinə gəlib. Operator F. B. benzini doldurduqdan sonra maşının çənini bağlamayıb.
Nəticədə operator və sürücünün dostu olan sərnişin E. M. arasında mübahisə yaranıb. İddiaya görə, F. B. qarşı tərəfi söyüb. Bundan hiddətlənən E. M. axşam radələrində məntəqəyə tək gələrək onu taxta parçası ilə digər işçilərin gözü qarşısında döyüb.
Olayla bağlı Cinayət Məcəlləsinin 221.3-cü (xuliqanlıq, silah və ya silah qismində istifadə olunan əşyalarla şəxsə qarşı zor tətbiq olunması, yaxud özgə əmlakının zədələnməsi) maddəsi ilə cinayət işi açılıb. Məhkəmə E. M. barəsində polisin nəzarəti altına vermə iltizam qərarı verib.
