Sumqayıt şəhər 10-cu mikrorayon ərazisində yerləşən yaşayış binası qəzalı vəziyyətdədir. Sumqayıt24 bu barədə AzTV-yə istinadən xəbər verir.
Söhbət Üzeyir Hacıbəyli küçəsi, bina 21-dən gedir. Belə ki, binanın giriş və daxili hissəsində olan çatlar sakinlər üçün təhlükə mənbəyinə çevrilib. Sakinlərin sözlərinə görə, bu problem 7 ildən çoxdur ki, həllini tapmır: “Uşaqlar bu bloka hər girib-çıxanda narahat oluruq ki, birdən başlarına nə isə düşər”.
16 saylı Mənzil Kommunal Sahəsinin rəisi Əziz Abdullayev bu məsələ ilə bağlı açıqlama verib. Onun dediyinə görə, fövqəladə rəy verilmədən təmir işləri aparmaq olmaz.
İcra Hakimiyyətinin mətbuat katibi Eyvaz Qocayev isə həmin binaya aidiyyəti qurumların əməkdaşları və yerli mütəxəssislərin baxış keçirdiklərini bildirib: “Yaxın günlərdə müvafiq rəy veriləcək və onun əsasında tədbirlər görüləcək.
[modula id="14089"]
