Sumqayıtın təhsil işçiləri mükafatlandırılıblar. Sumqayıt24 bu haqda 10 fevral tarixində xəbər verir.
Azərbaycan Gənc Müəllimlər Assosiasiyasının (AGMA) təşkilatçılığı və TutorLab.az-ın tərəfdaşlığı ilə Bakı Slavyan Universitetində (BSU) “Gənc müəllimlərin III Şəbəkələşmə Forumu” keçirilib.
Forumda Bakı Şəhər Təhsil İdarəsinin müdiri Mehriban Vəliyeva, BSU-nun rektoru Anar Nağıyev, Elm və Təhsil Nazirliyi yanında İctimai Şuranın sədri Günel Səfərova, Quba-Xaçmaz Regional Təhsil İdarəsinin müdiri Rüfət Hacıyev, TutorLab.az-ın rəhbəri Azad Manaflı, təhsil ictimaiyyətinin nümayəndələri və müəllimlər iştirak ediblər.
Sumqayıt şəhər 11 nömrəli məktəbin ingilis dili müəllimi Sevgili Pirməmmədova və ibtidai sinif müəllimi Sinəgül Ağayeva AGMA-nın kurslarında fəal iştiraklarına görə sertifikata layiq görülüblər.
