Sumqayıtda Beynəlxalq Kitab və Müəllif Hüquqları Günü münasibətilə tədbir keçirilib. Bu haqda bu gün, 21 aprel tarixində Regional Mədəniyyət İdarəsinə istinadən xəbər veririk.
12 nömrəli məktəbdə “Qeyri-adi kitablar haqqında maraqlı faktlar” adlı tədbir təşkil olunub. 4b sinif şagirdlərinə günün təsis olunma tarixi, məqsədi və əhəmiyyəti haqqında məlumat verilib. Mərkəzi Uşaq Kitabxanasının baş mütəxəssisi məktəliləri kitabxananın fondunda olan cəlbedici iri və miniatür, qalın və nazik, qeyri-adi formalı, panoramalı, 100 sirrin cəmləşdiyi pəncərəli kitablar, eləcə də şəkilləri yalnız işıq şüaları altında görünən kitablarla tanış edib.
Sonda uşaqlara “Ginnesin Rekordlar Kitabı”ndan bəhs edən videoçarx təqdim edilib.
